من وين كل هالدخنة ؟؟!
الله يكافينا الشر..
وي وي وي حريجة... حررررريججة..
من وين شنو اللي يحترق..؟؟
بدق 777..
لا تدقين ياحبج حق 777 ..
ليش مادق.. واذا أحد احترق.. واذا مايدرون ان في حريجة ومحد شافها إلا أنا ..
اشلوون يموتوون !! لا ماقدر بدق 777 ...
وبعدين...
جيور جيور خنتطمن علـ وضع ..
وامسك الموبايل وادق 777 ..
ترن ترن ترن ترن ...
محد يرد...!!!!
وأدق مرة ثانية..
ترن ترن ترن ترن .. ليما ينقطع
هم محد يرد ...
شالسالفة.. حريجة وناس بتحترق
ليش ما يردووووووووون ...
وأدق مرة ثالثة..
وأدق مرةرابعة..
ماكووووو أي استجابة..
مادري ليش مسمينه هوت لاين ..
وأمووووت قهر...
ورجعنا صوووب مكان الدخااان.. ولا غرفة من بيت قاعدة تحترق ..
وي وي وي الله الحافظ.. الله ياهو دخان..
عسى ماكو أحد بالغرفة..
:(
وين أهل البيت .. عسى ما حاشهم شي
عسى درو عن الحريجة ونادو أحد..
ونتي شكووو..
اشلوون شكو .. ناس بيتهم يحترق وانا شكو !!
إلا أكو.. ونص
أشوة أشوة أشوة كا سيارة المطافي..
ياحلوها وياحلو صوتها يبرد القلب
منو دق عليهم.. أكيد عنده واسطة !!
ها تطمنتي .. كا المطافي جدام عينج.. وأهل البيت واقفين بره..
إي إي الحمدالله.. يلا نروح البيت..
إلا بقول 777 ليش حاقرين !!
24 comments:
من كثر اليهال اللي قاموا يدقون عالفاضي و المليان
قاموا يحقرون
أولهم ولدي
:))
هالايام مع الاجازة من يعصب عالخدم دق عليهم
مرافجهم
:))))
لوووووول
انتي عجبه
ياربي السوالف عندج غير
اهم شي ليش حاقرين
احنا عشقناها
يودي ولدج عن سبعاتنا
يالله يلحقون على هبل اللوادم
هالنوب يهاهيل
ما يجوز ترى
:))
ومساكم ورد بعد قلبي
:**
نسيت اسأل
جن جن شخبارها
ترى لها فرية شكبرها
وولهانه عليها حد الدوسه
عسى ارتفعت نساتها
!!
أنتي أي حزه داقه أكيد الوقت غير
مناسب الله يهادهم ما لقوا يشبون حريجتهم إلا في الأوقات الغير مناسبه
مشكورة وصفج يهبل من كثل ما قلتي حريجه كأني أشم ريحه العطاب وانا اقرا البوست
الزين
انا بالدوام مادري عنه
هددته انهم راح يحبسونه بتهمة ازعاج السلطات.. جنه اخترع :)
جنجن زينه
تزقح
من ركبت الطيارة و غادرت الديار و هي زينة
الفال لنا :))
شكرا عالسؤال و توله عليج العافية :)
ههههههههههههههه
عادي انا مره شفت حادث في السالميه
وحاولت ادق على 777 ماكو رد
لين وصلت الضباعيه
@@
تصدقين حاولت وصبرت
بشوف شآخرتها وياهم
؟؟؟؟؟؟
واكتشفت انهم متبعين سياسة
الحقران يقطع المصران
:))
امممم يمكن غيروا رقمهم 112 خخخخخ
مادري شكووو
ايييه سوووه 211 على وزن 911 p:
احنا عشقناها..
ماينلام المسكين
الخدم من ملاقتهم حتى أنا لوما الفشلةودي أدق 777 عشان يفكوني من دعالتهم
؛)
وبعدين عطيه هوت لاين مفتوح ويا أبوه ويفكج ويفك 777 من الاتصال
سوييتها وارتحت
:P
زيووونة
انتي أعجب
يا بختي
ياني مديح من سيليبرتي
:)
استحيييت
؛)
إي جذي مدحيني.. ترى أحب التمدح
؛)
واااي زيووون مو كثري أحد ولهان على جندووول
من نساتها وهي غاطة.. ملاقة
؛)
بس ما عليج.. ترى الواحد من يركب طيارة ويهج.. لا نسات لامرض
كل شي يختفي
عشان جذي أنا أقول إن السفر علاج لكل داء
؛)
Star
صاجة.. أنا ماأستحي
داقة القايلة
؛)
خنت حيلي 777 ماخذين قيلولة وأزعجتهم
صج عيب علي
:P
المرة اليايه وانشالله مانحتاج.. بدق خلال مواعيد الاتصال
من 10-12 ومن 5-7 عشان ماينزعجوون
والأوادم يحترقون يموتون بالطقاق
أهم شي عندنا راحة 777
؛)
احنا عشقناها
وعليا على ولدج
مسويت له رعب
خليه يعبر عن شخصيته ويفضفض
:)
أما جنجن.. من كثر ما شوقتني علـ قهاوي والقعدات ودي أطير لها ألحين
الله يهنيها وونسها بالعافية
وتييب لي الصوايغ
؛)
مملوحة كويتية
من صجج.. على بالج بردون عليج
انسي
لو توصلين المريخ ماردو
دقي في الوقت المناسب عشان ما تزعجينهم
:)
Fishah
بعد ما غيروووه
اسم الله عليهم لما بغيرووونه بسوون له حملة اعلامية كبيره
مادري ليش بس اعلانهم يقووول
دقو علينا ليما يطيح حيلكم مالكم أمل نرد
سياستنا حرة حرة
أأيوي :)
الظاهر مغيرين الرقم و حاطينه سري عن الازعاج
والله يهداج جان شغلتي الهوز و رشيتي عالبيت شوية لين ايون المطافي
ميمة السبيت
ممممم.. تهقيين سري
!!
والله كل شي جايز
الظاهر محطوط على بند سري للغاية
؟؟!!
؛)
لو كان عندي هوز جان طبيت وياهم
بس تدرين بروح أشتري واحد واحطه بالسيارة مع عدة الاسعافات الأولية
نورتيني بالزيارة
:)
حريجة
وي وي وي
اشوه ..احد ياهم
يكافينا الشر .. صج يقولون غيروا رقم الطوارىء
من 777الى 112 عشتوا نواكب العالم
******
لا لا ما يحقرونج
بس اتغلوووون
:P
سوالفج ..ناطعة
السلام عليكم
أختي العزيزة قرأت هذا موضوع لك وأحببت اسلوبك بالكتابةأستمري بأذن الله سوف أكون من المتابعين لك
وتفضلي بزيارتي في مدونتي
في مدرسة خديجة
لووووووووووووووووووول
هذه سالفه بالله
الناس تموت و هذولا يحقرون ما يردون
بشيــــــــه بشيــــــــه
عاد انا ذاك اليوم شايفه فعل فاحش بالباركنج و انا طالعه من الدوام بهالقوايل اعنو بوكم بعز هالحر ليـــــــــــــــش
!!!!!!!!!!!!!!!!!
كنت بدق على 777
جان تقولي اختي شكووووو
قلتلها هااااااو
فعل فاضح في وضح النهار
@@
تقولي مالج شغل
هو بيني و بينج انا ما شفت شي بس الوضع كان مريب
هههههههههههههههههههههههه
النور
وانا أقول بلوقي غير اليوم
أثراج مارتني
ياهلا بالنووور
والله 777 يعرفون من يتغلون عليه
على غللي كل ماتشوف حادث ولا حريجة دقت عليهم
أخاف مسوين على رقمي بلوك
!!!
مشكووورة.. لاتمدحوني وايد أستحي
بعدين أمووق
؛)
أطياب الإيمان
وعليكم السلام
شكرا عزيزتي
ورأيكم يهمني
:)
ضروووري أزورج
حياج الله وشرفتيني
:)
بربلووووووشي
هلا وغلا
عاد انتي الله يهداح غضي النظر
خلي الحبايب على راحتهم
يعني بالصيف تبينهم يحوسون بالحر
لا مساكين قاعدين يتبردون بالسيارة
يمكن في يوم من الأيام تدور قصتهم في واحد من البلوقات ويذكرونج باللي
خربت علينا الجو الرومانسي
ويونا 777 كبسه
؛)
حاقرين لأنه الرقم تغيّر :) !
وزيـن سويتـي, ماسكتـي عن الي شفتيه
ذ ون
ما تدرين
شفت حريجة ثانية ودقيت على الرقم اليديد
دقتين الثالثة رادين
إي لازم أتطمن على الخط الساخن
:)
لوووووووووووووووووووووووووووووول
مت ضحك على ولد احنا عشقناهااا
اول مره ادري ان اليهال يدقووووووون على 777
عبالي بس انا الي ادق عليهم 24 ساعه !!!!
*******
انا ترا مثلج ما اعبببببببببر
لازم اتطمن و ادقققققق
انا سياره تسوي حادث بالشارع الثاني ادق
اشاره توقف و تعطل الناس ادق
هالدوووووووور بيت لألأ ما اعببببببببر
Post a Comment