رمضان شهر العبادة والصيام

راح رمضان ويانا رمضان..
وكل سنة ما نشوف إلا دعايات عن مسلسلات وفوازير
وما يحلا الأكل والطبخ إلا في رمضان
إللي يقول عايشين مجاعة..
يعني الموضوع فيه لبس شوية.. على الأقل بالنسبة لي
المفروض إن احنا نعيش أجواء عبادة.. نبتعد عن ملذات الحياة
نحس شوية باليوع والعطش..
مو هذا الغرض من رمضان..
إللي صاير عندنا شي غريب..
الجمعية طوابير ورفوفها فاضية.. ليش غزو !!
أول أسبوع زيارات لي تالي الليل.. ومسلسلات
ثاني أسبوع غبقات.. ويلا تلفزيون نشوف مسلسلات
ثالث أسبوع طلعات.. يلا نرجع راح يبدي المسلسل
رابع أسبوع..تسجيل المسلسلات عشان مايطوفنا شي ..و الحمدالله.. صلاة الجيام
مسلسلات ومسلسلات ومن الفطور إلى السحور أكل متواصل..
يعني بالنهايه ؟

ومبارك عليكم الشهر وعسانا وياكم من عواده
وعسى الله يرحم موتانا وموتى المسلمين

Dubai.. my choice ;)

أخيرن استقريت على محطة
أقضي فيها جزء من إجازة الصيف
بعد ما قطعت الأفينيوز صبح وليل

وبعد ما ألغيت مخطط السفر إلى بلاد الأندلس

بسبب خيانة المربية الهندية
وروحتها إلى قووا
وفي أخر لحظة قررت المسعدة
عدم الرجوع نهائيا إلى بلاد العرب

وعليه.. قررت الذهاب إلى عروس الخليج الجديدة

أستودعكم الله

ماتامرون على حاجة.. غرض
مايردكم إلا لسانكم

حريجة بريجة

شنو هذا.. دخان ؟! إي والله دخان ..
من وين كل هالدخنة ؟؟!
الله يكافينا الشر..

وي وي وي حريجة... حررررريججة..
من وين شنو اللي يحترق..؟؟
بدق 777..
لا تدقين ياحبج حق 777 ..
ليش مادق.. واذا أحد احترق.. واذا مايدرون ان في حريجة ومحد شافها إلا أنا ..
اشلوون يموتوون !! لا ماقدر بدق 777 ...

وبعدين...
جيور جيور خنتطمن علـ وضع ..

وامسك الموبايل وادق 777 ..

ترن ترن ترن ترن ...
محد يرد...!!!!
وأدق مرة ثانية..
ترن ترن ترن ترن .. ليما ينقطع
هم محد يرد ...

شالسالفة.. حريجة وناس بتحترق
ليش ما يردووووووووون ...

وأدق مرة ثالثة..
وأدق مرةرابعة..
ماكووووو أي استجابة..
مادري ليش مسمينه هوت لاين ..
وأمووووت قهر...

ورجعنا صوووب مكان الدخااان.. ولا غرفة من بيت قاعدة تحترق ..
وي وي وي الله الحافظ.. الله ياهو دخان..
عسى ماكو أحد بالغرفة..

:(




وين أهل البيت .. عسى ما حاشهم شي
عسى درو عن الحريجة ونادو أحد..

ونتي شكووو..

اشلوون شكو .. ناس بيتهم يحترق وانا شكو !!
إلا أكو.. ونص

أشوة أشوة أشوة كا سيارة المطافي..
ياحلوها وياحلو صوتها يبرد القلب





منو دق عليهم.. أكيد عنده واسطة !!

ها تطمنتي .. كا المطافي جدام عينج.. وأهل البيت واقفين بره..



إي إي الحمدالله.. يلا نروح البيت..
إلا بقول 777 ليش حاقرين !!

بسكوته :)

أحلى شي في الدنيا التغميس.. منو مايحب يغمس

أسهل شي واسرع شي تجهزه.. حليبة وبسكوتة
ولا أحلا

بيالت حليبة .. وااو





ولا الدرابيل... ممممممم بس حلاته زايدة تسحن شوي





قرص عقيلي... يمممممممممي





كورن فليكس... لايقاوم
المفضل عندي... بسكوووت تك .. بالحليب لايعلا عليه


الغريبه.... لا حضرت اجتماع رسمي في مؤسسة محترمة وقام واحد يغمس بسكوت بلـ إجتماع.. متخيلين
!!!
عاد هذا وقته الله يهداك جدام الناس.. ولا قام يدخل كل أصابيعة بحلجة ...
أبيييييه ليش جذي ياربي..
ليش أكو ناس اتهلق وتلوع جبد الناس إللي جدامها..
وليش هالشغلات اللوعة ماتصير إلا جدامي..

مايدري إن التغميس يبي له طقوس..
وإن التغميس يبي له عزله وخصوصيه..

بس هم بغمس
:)

الدوام والصيف

ياربي .. أف أف أف
ماكو غيري يعني..
ولا ليش إن إذا عطوني الشغلة أخلصها بسرعة ؟؟!!

بالدوام .. حق الكرف والمكدة ..
ولا صار وقت البونص .. كلنا سواسية!!
عاد هذي حالة ..
مادري بس أنا ولا الكل جذي..
وبلأخر يقولون بنات وبنات .. مرضيات ومايشتغلون ؟!
والله إللي أنا أشوفه .. الرياييل ياخذون مرضيات أكثر من الحريم ..
ويغيبون ويستأذنون ويتأخروون ...
السالفة مو تعميم .. مثل مافي رياييل تكرف .. الحريم تكرف بعد..
ولا صار فيها ترقية... هذي عاد سالفة طويلة عريضة..
الأولوية للرياييل.. شنو السبب ؟؟!!
وراهم بيوت ومصاريف .. الحريم عندهم إللي يصرف عليهم !!
أي منطق هذا إللي تكلمون فيه أبي افهم ..
بس ماقول إلا ....

متى تبدي الإجازة وارتاح ...

مزااااااااد

إذا في شي عاجبكم وحاطينه في بالكم شتسوون ؟
أنا عن نفسي .. أحوووس وحوووس ودور ومانام الليل إلا لما ألاقيه..
حياتي شبه واقفة ليما أحصل عليه..

مادري هذا شي زين ولا شين.. بس أنا جذيه..
عمومن... إللي حصل التالي..
فيه شغله عاجبتني وما نزلت الكويت بس أدري راح إنزلووونها..
رحت المحل وسألتهم.. ها متى بتوصل.. قالو الإسبوع الياي


رحت الإسبوع إللي وراه.. ها وين إللي أبيه..
أسفين مدام البضاعة بتأخر ليما الإسبوع إللي وراه


وليييييية.. وبعدين يعني .. يلا مالنا إلا الصبر ..
وختكم ما فيها صبر متحرمصة.. ماحب أنطر ..وعصب وتنرفز.. بس شسوي

المهم.. خلاصت الموضوع..
رحت بنفس اليوم إللي المفروووض توصل فيه الأغراض..
ولا الكوليكشن إللي أبيه موجووود... هيييياااااا

لوسمحت فيه ............ وشرحت له.... إي مدام إجا وخلص من الصبح

بسم الله الرحمن الرحيم.. شنو يايبين منه واحد يعني

!!!!!

لا مدام اليوم فتحنا الساعة 8 الصبح وكل الأغراض راحت..
!!!!
بس إنتو ماتفتحون إلا الساعة 10 .. ليش اليوم بالذات 8 ؟!
وبعدين الناس دوامات تهد دوامها وتييكم يعني !!!!

اللي صار صار.. ومالقييت إللي أبييييه.. ونبطت جبدي..


بس لا للإستسلاااااااام


قوووقلت.. ولقييييته.. نعم لقييييته .. في ...
E bay
ومزااااااد .. أنا داااشة مزاااااااد..

بم بم بم بم ... هذا قلبي يرقع

وانا أزيد والثانين يزيدووون وانا أزيد بكل إصرار
وحمى الوطيس..

وانا أعلى سعر.. ما بقى شي 5 دقايق
الله بفوووز بفووووز.. ولا الحقيرة.. تطوفني بلـ مزاد..
ما بقى إلا دقيقتييييييين.. واي واي واي.. ما يمديييني
وزيد وتزيد وزيد وتزييييييد... ياربيييييييي
بقى دقيييييييييقه....
و دم دم دم دم دم تزيد الرقعة
أقوى من مدافع عاصفت الصحراااااااااااااااااااااااااء





وزييييييييييييييييييييييييييييييييييييييييييييييييييييييد...
هيييييياااااااااااااااااااااااااااااااااااااااااااااااااااااااااااااااا
هييييياااااااااااااااااااااااااااااااااااااااااااااااااااااااااااااااا

فزت فزت فزت بلـ مزااااااااااااااااااااااااااااااااااااااااااد

تبون تعرفوووووووووووووووووووون شنو فزت فيييييه
















حده فاشن ألحيييييين

LIMITED EDITION BEAUTIFUL MATTHEW WILLIAMSON LEATHER WAISTCOAT
COMPLETELY SOLD OUT & HIGHLY SOUGHT AFTER!

إشرايكم ؟

بما إن الناس ويك إند
وحلاته نكون بعيد عن الهم والكدر
وبما إني أحب أغير الـ لوك مالي

إشرايكم؟
عاجبني هلـ لوك