أول شي
Happy New Year
مني لي كل سنة جدام..
وكل عيد وطني وانتو بخير
وعيدكم الفطر والاضحى مبارك
وأي مناسبه أعرفها وماعرفها أهنيكم عليها
وسلامتكم.. وبس :)
وبدش بالموضوع..
شنو يعني لما تداحرني ذبانه ! وياكرها اذا صارت لزقة وماتفج
ولاتحوس عند ويهي وأنا أكل !
شسوي يعني يا أخت ذبانه أهد أكلي وأجابلج ولا تبيني أوكلج مثلا !
الحدث اللي صار..
توني راكبة الموتر على قولتهم من بعد تعش ساعة اجتماع في أحد المناطق شبه الصحراويه..
ولأن الجو حلو فتحت الدريشه مدة أقل من عشر الثانيه وياليتني ما فتحتها ..
هجووووووم.. وتشرف الأخت ذبانه بدون عزيمة.. أكشها مني مناك ماكو فايدة..
ويه بمشي وكيفها..
وأنا عالخط السريع.. ! يا طابه على ايدي يا على ويهي ياتحوس يم الدريشة .. ززززززز.. وتوزوز باذوني... واااااي ..
ومن تقرب يم الدريشه فجيتها أقول يمكن تحس على دمها وتذلف..
بس وين أبت المصونة ذبانه عن الطلعة وقررت ماتفج اليوم...
يوم قربت حدود أرض الصمود.. وقفت عند الاشارة.. ويا أنا يا الذبانه..
وكاني متفرغة لج الحين..
وكش مني وكش مناك .. ولزقة بالدرايش واحكرها بربعة.. وطاخ وكش وهش..
وي ما بقت تذلف.. ذبحتني وطلعتني من طوري حسبي الله عليها !!
وصلت البيت وتوني بفج الباب بنزل.. ولا ماسمع الا .. زززززززز.. شنو هذي ؟! هم ذبانه !!
ولا ياجماعة الخير طلعت المعركة مع ذبانتين مو وحدة ؟!
عاد عقبها قمت أفكر.. أنا تسببت حق هالذبانه الفقيره ويبتها لي هني شتغبر بعمرها..
هذي لو طايره بروحها حدها حدها توصل الشاليهات.. ؟
تهقون ذبانة المناطق شبه الصحراويه يوم وصلت أرض الصمود بتعيش ولا بطفشونها الربع ويموتونها قهر
16 comments:
شفت البوست وماصدقت
انتي وين مختفية
وانتي بخير وصحة وسلامه ولج وحشه هالكبرررررررررر :**
ياكره الذبانه اذا الصقت وتصير الحرب وتعتقدين انج طاقتها شوي والا تطلع لج مره ثانيه وشوفي اللويه :))
لا تباعدين :**
ahlan w sahlan
o althbabeen hatha mawsemhom china .. ana khobre bil shta ykhtefoon .. ashofhom halayam haytheen !
happy new year 2 u and the whole familyaa :*
الاوركيدة
حدي ولهانه عليكم
بس تدرين نتغلى ؛)
لا لا مو صج :)
اختفيت لاسباب تكنولوجية ؛)..
مادري اشفيه الكمبيوتر مايدخلني على البلوق
واضطر استخدم الاي باد اللي مليق في الكتابه !
المشكله اشلون ترشين المبيد
ماكو فكه الا بالضربه القاضيه
احنا عشقناها
هذا ذبان مو طراروة ايونج بالمواسم
الذبان هايظ طول السنة
حسبي الله عليه
مرحب عرب
بادية اشك انج تتعاطين ام العز!
;p
اقول حطي بسيارتج ليتات نيون تصيد الذبان
يا كرههههم اذا صادوا الذبانة وطلعوا صوت الكهربا,,, ويـــــــع
المشكلة ان في اماكن ليلحين متمسكة فيهم, يعني نظافة
عندي الذبانة تحوس ولا اشوف هالجهاز واسمع صوت التشكتشكة
تدرين اول يدي الله يرحمه كان لما يقعد بالحوش يرش عليه فليت وكنت اقوله يبه ليش ؟
يقول علشان يوخرون عني :))
** هلا هلا منورة اليوم كل عام و انتي بخير
شوفي اخذي جيس مال اللحم الشفاف حطي فيه ماي و ربطيه بالمنظرة اللي بالنص
تي الذبانة تشوف نفسها تخترع و تموت
تعالي شوفي امي شمسوية بالخيمة
مادري من قاص عليها و معطيها هالفكرة
مرحب الساع ام العبد
لاتشككينني بعمري عادي انااصدقج
ياكره النيون
هيلقي
حده بس مخيمات 2 ستار
شوفة الذبانه أهون
وشفيها الذبانه
كائن وديع وأليف
مشروع فراشه بس احترقت
؛)
الاوركيدة
ياخف طينة يدج
وياحلو اليدان
عرفينا عليه
جود يخف القولون
ميومة
هذا يزغلل العيون
وأخاف أدش بشبه
لا يامعودة
على الاقل الذبانه تونسني بالطريج
وبعدين
اش ذنبها المسكينه تخترع من جكرها
جان اخترعو اللي يتفرفرون بالافنيوز من اشكالهم واطنان المكياج اللي تقولين ممثلات بفلم رعب
يا صباح الحب يا صباح الهنا
:**
امحق ذبانه قليلة ادب ولزقه
وجني حاسه انج كنتي عندنا بمحافظة الأحمدي الغراء
:)
كل عام وانت بخير حبيبتي وعساها سنه حب ورخاء عليج وعلى من تحبين
زيوووووووونة
ياصباح الورد بدون ذبان
اي ماتستحي ولا تنتخي
ذبانه مومتربيه
هههه كنت بمحافظة مو بعيدة
من كثرهم
تقدرين تقولين محافظة العبد ( بضم العين وكسر الباء ) ززز :)
عام متروس أفراح على الجميع
طرح جيد شكرا جزيلا على هذه التدوينة
شكرا جزيلا على هذا الطرح المتميز..جزاك الله خير
شركة الوطن الدولية للتنظيف
من اهم شركات التنظيف فى جميع المملكة حيث انها تستخدم افضل الاجهزة وانا تقوم دأما بتطور الطرق فى التنظيف مثل
شركة تنظيف بابها
شركة غسيل خزانات بالقصيم
شركة عزل اسطح بالدمام
شركة مكافحة حشرات بعرعر
شركة تسليك مجارى بالدمام
شركة الوطن الدولية
تعد شركة الوطن الدولية
من افضل واقوى شركات التنظيف حيث انها تتميز عن باقى الشركات الاخر تقديم افضل خدمة ممكنة على اعلى مستوى وبأقل الاسعر وسرعة الاستجابة لى العميل وبها جميع اقسام التنظيف
-
شركة تنظيف بابها
والتي تعد من افضل شركات التنظيف والتي تتميز بى عمالة على اعلى مستوى واحدث أجهزة التنظيف واستخدام افضل مواد التنظيف ومن أنواع التنظيف تنظيف سجاد ومجالس وارضيات ووجهات الشركات والمنازل وتنظيف مكيفات والخ من أنواع التنظيف وتمتلك أيضا اقسام أخرى منها
-
شركة تنظيف وغسيل خزانات بالقصيم
-
شركة مكافحة حشرات بعرعر
-
شركة عزل اسطح بالدمام
-
شركة تسليك مجارى بالدمام
Post a Comment