أخيرن استقريت على محطة
أقضي فيها جزء من إجازة الصيف
بعد ما قطعت الأفينيوز صبح وليل
وبعد ما ألغيت مخطط السفر إلى بلاد الأندلس
بسبب خيانة المربية الهندية
وروحتها إلى قووا
وفي أخر لحظة قررت المسعدة
عدم الرجوع نهائيا إلى بلاد العرب
وعليه.. قررت الذهاب إلى عروس الخليج الجديدة
أستودعكم الله
ماتامرون على حاجة.. غرض
مايردكم إلا لسانكم
16 comments:
** بالسلامه انشالله استانسي و غيري جو بس الله يعيينكم عالزحمه اقولون الزحمه مو صج هناك
ميمة السبت
مشكوورة حبيبتي
أصلن كل مكان صاير زحمة
وانا لوما عشان اليهال ولا ماسافر بالصيف
لندن زحمة, ماربيللا زحمة, لبنان, مصر, حتى سيلان زحمة
:)
حافظكم الله وتروحين وترجعين بالسلامة
اهم شي استمتعي بكل لحظة هناك .. واذا وايد زحمه نوعو وشوفو الشارجة وابو ظبي :))
نبي سلامتج حبيبتي
ريلاكس
الله يسلمج ويحفظج
اي والله خوش فكرة
ليش لاء نروح نشوف مكان يديد
؛)
تروحون و ترجعون بالسلامةأن شاء الله
وييي مو بشاره ..كلهم الهنود جذيه ما يفيد فيهم الطيب لازم تحوشهم عره غير نمونه لو أهي دهر عندج هم تقول خلاص عافكم الخاطر وأنا طاب خاطري من ذاك الفريج
تذكرت موضوع التقمس.. أنا طايحه بخبز الرقاق مع الجاي و الحليب
مو طبيعي .. وجربي خبز رقاق التحرير من الجمعية مو خبز رقاق المطاحن الله يزيد النعمة
بالسلامه
:)
تروحين وتردين بالسلامة ان شاءالله
نبي بخوووووور :))
تروحين وتردين بالسلامه
والله يونسكم بالعافيه
نبيج سالمه يالغاليه
:)
وماني فاهمة سالفة الخدم
الاغلبيه اسمع انهم يعانون من نفس المشكله
يروحون وعقب يعلنون عدم العوده نهائيا
@@
تهقين تمرد جماعي علينا
؟؟؟؟؟؟؟
علييييييييييييج بالعافيه اتصدقين انا استانس في دبي اكثر من اي مكاااان ثاني
وايد احبها و افضل اسافر على الاماراتيه مو عشان اهي زينه بس عشااااان اتطمن اني راح ابات ليله بالروحه و الرده في دبي
عليج بالعافيه
لا يطووفج بخور الرصاصي الي في برجمان بس فرع برجمان مو اي فرع ثاني
و دقااي على ولد جميله التايلنديه خيييج الفندق و اييبلج البخور الزين
غير البخور ما افييييييدج لووووووول
الله لا يبارك في هالخدم صارو يحددون مصير حياتناااا !!!
سلام
لوير
@@
حتى أحنا نشتري البخور من برجمان بس مو الرصاصي .. من أجمل كشك صغير بس عنده بخور عجيب
خوش نصيحة بريتيها بشي زين
بالسلامة يا يويو
تصدقين السعودي الملقوب ريل رفيجتنا سألني عنج وعن ريلج اذا ييتوا هالسنة والا لأ!!
ما شاءالله عليه شلون مثبتكم على انكم ما قعدتوا معاهم الا مرتين
يذكرلي تفاصيل عن شغلج ما شاءالله عفية قلب يثبت!!!
أخاف انه يسجل قعداتنا!!!
.
.
.
اجازة سعيدة يا صديقتي العزيزة
وتردون بالسلامة
:)
تروحين وتردين بالسلامه يارب..
اظهر و باااااان عليك الامااااان
يالذييييييب اطلع من الجلييييييب
مبارك عليج الشهر و عساج من عواده ترى ولهنا على سوالفج الحلوه و طلتج البهيه
:***
مشكووورييين
مشكوووورين
ما قصرتو على
رحت ورديت
ومامداني أشوف شي غير الأوتيل والمطاعم
انشالله المرره الياية
رحلة نسائية فقط
أبربس فيها بسوقة دبي على كيفي
Post a Comment