Tuesday, July 7, 2009
بسكوته :)
أحلى شي في الدنيا التغميس.. منو مايحب يغمس
أسهل شي واسرع شي تجهزه.. حليبة وبسكوتة
ولا أحلا
بيالت حليبة .. وااو
ولا الدرابيل... ممممممم بس حلاته زايدة تسحن شوي
قرص عقيلي... يمممممممممي
كورن فليكس... لايقاوم
المفضل عندي... بسكوووت تك .. بالحليب لايعلا عليه
الغريبه.... لا حضرت اجتماع رسمي في مؤسسة محترمة وقام واحد يغمس بسكوت بلـ إجتماع.. متخيلين
!!!
عاد هذا وقته الله يهداك جدام الناس.. ولا قام يدخل كل أصابيعة بحلجة ...
أبيييييه ليش جذي ياربي..
ليش أكو ناس اتهلق وتلوع جبد الناس إللي جدامها..
وليش هالشغلات اللوعة ماتصير إلا جدامي..
مايدري إن التغميس يبي له طقوس..
وإن التغميس يبي له عزله وخصوصيه..
بس هم بغمس
:)
Subscribe to:
Post Comments (Atom)
31 comments:
اانااااااا احب التغمسسسسسس
بس على فكره ترا حركه التقمسسسسسسس
تصييييييير لا شعورياااا
يعني انا وايد في اجتماع او ميتين او جدام مستشااااار تلاقيني قطيييت البسكوته و كليتها ولاااااااااا بعد تنكسر جدامها
والحقهااااا بالكوب
هههههههههههه
انا اشهد ان التغميس يبي له طقووووس
وانا احب بسكوت المطاحن مع الشاي بالحليب
او حتى النسكافيه
:)
وعلى طاري الأخ اللي يغمس
او اللي ايده بحلجه
هذا ولا شي يم سالفه قالوا لي اياها
بس ماني قايلتها هني
:$
صباحج خير يارب
انا ماحب التغمس وايد لأني ماعرف متى الوقت المناسب اللي لازم اشيل فيه البسكوته
:P
ياااااا صباح التغمسسسسسسسسس
توني ماكله كورن فليكس
:)))))
أكثر شي احبه بالتغميس البقصم مع شاي حليب
قبل كنت ما احب الحذاريب و الفتافيت اللي تذوب بالشاي.. يعني اذا ما شخلته انسي اني اشربه..
اي في بعد بسكوت اموووووت عليه بس احاول ما اقرب صوبه لانه ثقيل وايد
http://www.bende.com/ecommerce/pictures/2/Leibniz-Butter-Biscuits-1.jpg
اخييييييييه
الساده مع الشاي
و اللي بالكاكاو مع القهوة
ما اعتقد في أحد ما يحب التغمس
أحلا شيء ماري و جاي
بس تك مع حليب ما مر علي
:))
حمدالله عالسلامة
:)
انا قاري هالبوست وين مادري
!!!!!!
اشوة عبالي بس انا احب التبربس
طلع في حزب كامل مع التغمس والتبربس
:P
مو تبعي التغمس
بنتااااااااااي ربي يحفظها مدمنة تغمس ... ماخذه هالطبع من ابوها
جاي حليب واللي تلقاه تغمس فيه
بسكوت بانواعه
بخصم بانواعه
ومرة جربت تغمس مينو
ما يعوق
من تخلص التغمس يبيلها تسبوح كامل مو تبديل
ابلة يو نو هوووو
عندي اضافة بسيطه
التغمس بالحليب اصوله هندية ترى
والتغمس بالمرق اصوله خليجية بما ان احنا نعشق الثريد والتشريب
والتغمس بزيت الزيتون اصوله شامية
والتغمس باللبن اصوله بدوية
والتغمس بالبلسمك فينيجار اصوله ايطالية
والتغمس بالمهياوة اصله من بني كندر
هممممم
مدري بعد اذا في نوع ما ذكرته
بروح اسوي سيرج وارجع لج
:))))
لويراااا.. أفااا والله
راح البرستيج أستاذة
؛)
تغمسين باجتماع ؟؟
وفتافيت بسكووت طايح دار مدار بيالتج
يا للعاااار
بس هم عليج بلـ عافية
مو كل من غمس باجتماع صار هيلقي
فيه إكسبشنز
؛)
زيوونة
الطقوس وماأدراكي ما الطقووس
أهم طقس عندي لاأحد يشاغبني ويمد إيده على بسكوتي
؛)
سالفتج دزيها لي إي ميل
؛)
Glass Fabric
الموضوع مو هين ويبي له خبره
ومتى تغمسين ومتى تشيلين
كل هذي إجراءات تتم بطريقة ديناميكية
نوع البسكوت ودرجة الهشاشة ونوع المشروب وحرارته وكثافته
لاتستهينين بالتغميس
هذا علم ولازم يفتحون تخصص فيه بالجامعة
:)
بربلوووشي
صحتين :)
بسكوووتج
Leibniz-Butter-Biscuits
أموووت عليه
له ذكريات بطفولتي ما صارت
سادة للتغميس ولا بالكاكاو
عجيب عجيب
كلج ذوق يا بربلووش
حتى بسكووتج ذوق مثلج
؛)
احنا عشقناها
كل بسكوت يتغمس يصير لذيذ حتى المليق
بس أخيتج كل شي تغطسه بالحليب مو الجاي
؛)
الله يسلمج.. نشقة مرت بسرعة مامداني
؛)
أرتفل
ملتبس عليك الموضوع
أكيد رابطة بسالفة جندول وبسكوت تك
بس التغميس تم بناء على طلب صاحبة المعالي جندل في ذاك الوقت
يوم شكيت لها من إللي يغمس في الاجتماع
لذا اقتضى التنويه
:)
استكانة
يا هلا ومرحبا
بمن حبا ودبا
نورتي الجليب
وللعلم
مو بس حزب
التغميس له دولة ورجال
:)
أتيت متأخرة
نورتيني وشرفتيني بالزيارة
ماتنلام بنيتج الله يحفظها
إللي يذوق حلاوة التغميس يدمنه
اشوراها عاد سبحيها
المهم تغمس
:)
الزين
؛)
واللي يغمس توست وجبن بعصير بردقال.. شرقاوي
وخبز لبناني يابس مع مرقة.. كيفاني
وخبز رقاق بلبن.. جبلاوي
؛)
بصراحة أحب التغمس وأمارسة بالدوام لا شعوريا من أسمك بسكوته بروحها تدل دربها وتغطط بالقهوة
هههههههههههه
بس مو جدام المدير .... أخاف أشرق
لووووووووووووول
:))
NIKON 8
أنا بالدوام يالله أكل
كل مابديت أكل طب علي مدير ولا شغلة طارئة
تخيلي لو مغمسه
لا لا
طقوسي لازم في وضع ومكان لائقين
والملابس مريحه علـ أخر
وفارشة البسكوووت
والحليبه زاهبه مع ريـ فل
:)
بس حبيت استفسر شنو قصة النك ؟
آنا رديت والا حلمانه ؟
والله احب التقمس بس فعلا له طقوس
الحليبه اللي عبارة عن حليب وجاي مع بسكوت المطاحن
الجاي والحليب ممكن نقمس معاه اي نوع ثاني ;p
الصوره ذكرتني بكعكعي اذا تذكرينه :p
مسااااااااء الخيرررررررررر
شلونج يو نووووو والله لج وحشه
ادري ماستحي على ويهي وقاطعه بس شسوي من لويه الامتحانات لي لويه الشغل ودوام طويييييل ارد ماقدر اجابل نت لويه ْ
لويه X لويهXلويه
كل هذا بكسر الخاطر لوول
بس انا متابعتكم من بعيد لي بعيد مانستغناااااش
ياحبي للتغمس يا نونو
مشكله ساعات ماتنتبهين ولا شكثر ماكله :S
مس يووووووو
The one
تقصدين الذيب بالجليب
راح أحط عنه بوست قريبن
:)
ريلاكس
لا حلمانة
؛)
ومنو ينسى كعكي بو البسكوووت
يشبه إللي ياكل في الاجتماع نفس الموديل
:P
أنجليييناااا
هاااي
مس يوووتوو
والله صج تكسرين الخاطر وماتنلامييين
الله يعينج ووفقج
بشري اشسويتي ؟
أصلن بالتغمس انسي تعرفين اشكثر كليتي
لمل تفك ما حتسك
؛)
أي والله يا حلو التقمس..عليج بالعافية
لا وبعد تقمس قرص العقيلي الهوم ميد مو طبيعي وحتى الكب كيك الفانيلا مال المطاحن بس لا تشربين الحليب وراه يصير زفر من زفرة البيض
أنا زادت عندي حالة التقمس صارت في
الدوام جدام الي معاي في المكتب وفي السفر بلوبي الفنادق و بوفيه الريوق
من يحطون لي كيكة ولا بسكوته صغيرة يم الكوب قمسها و تلذذت فيها
مع اني قبل ما احب اقمس الا في البيت علشان اخذ راحتي ومحد يشاغبني و تذوب البسكوته وتصير مريس
ألحين عادي قفشتي بأيدي واحوس كوبي حوس في الدوام و اطلع الحثاريب الذايبة
متعه
star
وصفج عجيب
صج شوقتيني
بطيح له تغمس الحين
؛)
مشكووورة علـ مرور ونورتيني
:)
انا احب اغمس
شوقتيني على البسكوت المالح :<
بس بالدوام اغمس الشابوره جني بايقه شي بسرعه بسرعه وحدي 2 اخاف احد يدخل المكتب فجأه :)
Fishah
العملية تحتاج توقيت وموقع مو أي مكان
والدوام .. لاءلاءلاء
لازم طقوس خاصة
؛)
شرفتيني وحياج
:)
Post a Comment