حدث لـي في يوم من الأيام.. في اخر سفرة .. رايحة العمرة .. الروحانيات عندي عالية .. والمزاج ولله الحمد عال العال .. بروح بيت الله اشلوون ماكون ابـ هالصورة ..
وصلت المطار قبل ساعة ونص من موعد الرحلة.. وقت كافي.. وللا انا غلطانة !! وأشووف ذاك الطابووور على امتداد بصر زرقاء اليمامة.. يالله يا حيل الله وقفنا بالدووووور..
الوقت يمر بسرعة البرق و الطابور طوييييل ومايمشي ..
فجأة..
ولا الي وراي إتأفف وتقول حق إللي معاها .. طوف طوف مني.. ولا الأخت معديتـني وإللي جدامي ، وكل من ساكت،، وبلعتها..شسوي !!
فجأة ثانية ..
ولا ذاك السايق الكشخة شايل جنطة السفر ماركة ....... على راسه.. لو سمحتو لو سمحتو.. ويطوووووف !!! متت من القهر،،،
قلت له : أكو دوور ما تعرف الدوور!!
قالي : أصل دي تبع فلان..... والطيارة حتطيير
قلت له : وفلانك هذا مايعرف ايي مبجر مثل الناس ؟؟!!
أصلن حقرني ومارد علي وكمل طاف الدووور كلة.. وللأسف كل من ساكت !!!
فجأة ثالثة..
ولا الأخ إللي يحذف جنطته فوق السور ... ويعدي الناس .. وكالمعتاد محد تكلم .. ويوقف وراي وبكل ثقة... يقول : أختي،، لو سمحتي بطووف !!!
في هذي اللحظة مادري اشصار فيني... طارت السكينة والروحانيات.. رجعت للواقع المرير..
قلت وماسكت : هم طايف الدور وتبيني أوخر لك.. روح أي مكان طوف منه.. !!
شنو قال تتوقعوون ؟؟؟؟!!!
قال : تخلللف ....
انا يقول عني تخلف .. هذا إللي ناقص..
قلت وبكل ثقة: التخلف إنت وأشكالك إللي ما تحترم الناس والطابور .. وإذا مستعجل .. جان ييت امبجر مثل العالم ..
طبعن.. طاف ومن بعد إللي صار الناس أخيرن تكلموا.. بس اشعقبه ...
ركبت الطيارة ... وقعدت.. وقريت التعليمات..
ولا أشـوف ذاك الزول الودر إللي جنـي أعرفة...
ولا الأخ توة يوصل الطيارة..
هم معدي الدوووور وهم متأخررر...
أأأأأأأأه يالقهر
20 comments:
looooooooooooooool
صاجة... جنا غنم ننطر الدور
واي ذكرتيني بأمي بآخر سفرة ... لعنت خيرهم الخير... (الداخلية) الدايخين... لانهم مو فاتحين غير سير واحد ومخلين الباجي مسكر... يوم اسألتهم... يقولها هم يبون جذي
عطتهم ما عطاهم زمانهم
ومنا الى ادارة الطيران المدني لحل المشكللللللل
عمرة مقبولة يا صديقتي
جندووول :)
صباحووو ..
تقبل الله منا ومنج ..
هذا ما بنطبق بس عالمطار
ينطبق على وايد أماكن
ولو كانو في بلاد الإنجلييز
جان شفتيهم حد الأدب والإحترام
الهلاقة ما تطلع إلا في الديره :(
يا صباح الورد
:)))
ادري
بس سالفة طابور المطار قاثتني
السالفة تحر
انا اشوة اللي عندي يكفي و يوفي.. ما يسكت انا اللي اطخخ فيه
بس زين تسوين ما تسكتين
مادري ليش احنا نستحي و نسكت و احنا على حق
يبيلنا دورة شلون ما نسكت عن الغلط و شلون نوقف هالاشكال عند حدها
احنا عشقناها ..
تنظيم الدورة على الذيب
لاتحاتيين
راح أنظم لكم دورة لسان طوبل
دورة كيف اتصير هيلقين في خلال ساعتين
دورة طاخ طيخ ، بوكسات وطراقات يعني
دورة إشلون إتطوف الدور
دورة كيفي مالي شغل بأحد
the Instructor...
إللي كان بالطيارة :)
هذي اسمه
تبعات التجنيس الجديد .. و ثقافة السباكي
بو صالح
كلامك عدل وصوتك وصل @@
حتى أشباه ال
Instructor
مو أشباهنا !!
هذي مشكله مووجوده عند واايد ناس للاسف واخذي اذا كان صيف وواقفه من الصبح وحر ولا رطوبه
تدرين اللي يطوف الدور مايحرني كثر اللي يطوفه واهو مطنش البشر حوالينه يعني لو لادب استئذان اعتذار جان هانت بس جذي يدشون واهم منفسين ولا مانين شي يحر
ممم اناابي ادش الدوره يصير؟ بس ماعتقد بتنفع لاني ساعات من زود الطيبه عشتو تلاقيني اجدم ناس علي لوووووول
Angel Heart..
حياج.. في الدورة بس شرووطها التطبيق
ودام انج
Angel Heart
وتطوفين الناس ..ماعتقد راح تنجحين
بس جربي حظج
تبين الصج ماعتقد إن أي أحد فينا راح ينجح بالدورة .. أخلاقنا وتربيتنا ماتسمح
يالله ،، لنا الله
ههههههه يعني فشل جماعي
اي والله يو نووو شاللي رادنا غير انه اخلاقنا ماتسمح ومن شب على شي شاب عليه
لنا الله ويعطينا الصبر وطوله البال عشان ماتحوشنا اثار سلبيه من هاللي نشوفه
تذكرت مستر بين لما يخطر طابور الـ
saleمال هارودز
بس جنه إلي إلي قاعدين على الدرجة
الأولى ما يوقفون بالطابور؟
على راسهم ريشه
إخذي دورات عند أمي عندها خوش حركات حق تخطر الطوابير
بإكسبو 92 إلي سووه بإشبيليه كلش ما تعبنا،لا و الناس مصدقينها مخلينها تطوف
تقبل الله منج صالح الأعمال
Angel Heart..
الصبر والتحمل ماياب لنا إلا المغثة والقولون !!
Mellow..
يلا ناطرين من ال ماما دورات تخطر دور
بس دامها صارت في اشبيلية السالفة
ماكو فايدة .. الربع إهناك أردى من العربو
Mellow..
منا ومنج حبيبتي
مشكورة
:)
ميللو ؟؟!!
wheel chair ???
صديقة عمتي تقعد على كرسي باورلاندو باركس عشان ما تصف دور :))
لو الامريكان يعرفون جان قالولها
مكسورة و تبرد
:))
شخباري اكسبو اشبيلية.. ليما الحين عندي الجواز المختم
:))
by the way did u go the one in zaragoza last yr?? if yes add the pictures to the andalucia post plz :))
loooooooooooooooooool
Mellow
شمسوين بالاكسبو؟؟؟
عسى مو ويل تشير؟
واي احنااااااااا
احس تشنه عندنا كمبيوتر مشترك وكل وحدة و زامها!!!!!
تخلف00يجيب حارج وغثا
لا حيا ولا مستحا وعيون قويه
انا احشم نفسى عن هالاشكال
المقوع..
ناس تخاف ما تختشييش
بس كان لازم أغثة شوية
ولو انة ماكو إحساس
بس على الأقل
فشلتة جدام الناس
وبينت له اشكثر اهو دون المستوى
Post a Comment